Lauf Forks hf. var stofnað árið 2011 í kringum hugmynd að framúrstefnulegum fjöðrunargaffli fyrir reiðhjól sem var sérhannaður fyrir lítil högg. Fyrsti gaffall félagsins leit dagsins ljós árið 2014. Fyrir á markaði voru einungis stífir gafflar (án fjöðrunar) og svo þungir og viðhaldsfrekir fjöðrunargafflar gerðir fyrir stærri högg og grófari fjallahjólreiðar. Þróunarvinna félagsins hefur leitt af sér fjöðrunartækni sem hefur sérstöðu á markaði og er einkaleyfisvarin. Fyrsta Lauf hjólið kom svo á markað í lok árs 2017. Í dag er helsta afurð félagsins hjól í flokki malarhjóla sem byggja á fjöðrunartækninni. Árið 2020 hætti Lauf að selja vörur í gegnum endursöluaðila og hóf að selja beint til viðskiptavinar (e. Direct-to-Consumer). Bandaríkin er stærsti markaður félagsins og opnaði Lauf vöruhús í Virginíu fylki í ársbyrjun 2023 til þess að sinna þeim markaði betur.
Investors 1
| Date | Name | Website |
| - | Nýsköpunar... | nyskopun.i... |